Wednesday, January 28, 2015

வாழைக்காய் கத்தரிக்காய் கூட்டு / Raw banana Brinjal Kootu

பரிமாறும் அளவு - 2 நபருக்கு

தேவையான பொருள்கள் 
  1. வாழைக்காய் - 1
  2. கத்தரிக்காய் -2
  3. கடலைப்பருப்பு - 50 கிராம் 
  4. தக்காளி - 1
  5. மிளகாய் தூள் - 1 தேக்கரண்டி
  6. மல்லித்தூள் - 1 மேஜைக்கரண்டி 
  7. சீரகத்தூள் - 1 தேக்கரண்டி 
  8. மஞ்சள்தூள் - 1/2 தேக்கரண்டி 
  9. காயம் - சிறிது 
  10. உப்பு - தேவையான அளவு                                                      
தாளிக்க -
  1. எண்ணெய் - 3 மேஜைக்கரண்டி 
  2. கடுகு - 1/2 தேக்கரண்டி 
  3. உளுந்தம்பருப்பு - 1/2 தேக்கரண்டி 
  4. வெங்காயம் - 1/4 பங்கு 
  5. கறிவேப்பிலை - சிறிது 
செய்முறை -
  1. கத்தரிக்காய், வாழைக்காய் இரண்டையும் பொடிதாக வெட்டி தண்ணீரில் போடவும்.
                                                                       
  2. கடலைப்பருப்பை தண்ணீரில் 15 நிமிடம் ஊற வைக்கவும். தக்காளியை பொடிதாக வெட்டி வைக்கவும்.                                                                                                 
  3. ஊறிய பருப்புடன் காயத்தூள் சேர்த்து குக்கரில் வேக வைத்துக் கொள்ளவும்.
  4. மிக்ஸ்சியில் வெட்டி வைத்துள்ள தக்காளி, மிளகாய் தூள், மல்லித்தூள், சீரகத்தூள், மஞ்சள்தூள் சேர்த்து அரைத்துக் கொள்ளவும்.
                                                                                   
  5. வாழைக்காய், கத்தரிக்காய், உப்பு மற்றும் அது மூழ்கும் அளவு தண்ணீர் சேர்த்து பாத்திரத்தில் போட்டு வேக வைக்கவும். 
  6. வெந்தவுடன் அவித்து வைத்துள்ள கடலைப்பருப்பு, அரைத்து வைத்துள்ள கலவையை சேர்த்து மசாலா வாடை போகும் வரை கொதிக்கவிடவும். தண்ணீர் தேவைப்பட்டால் சிறிது சேர்த்துக் கொள்ளவும்.
  7. கூட்டு கெட்டியானதும் உப்பு சரி பார்த்து அடுப்பிலிருந்து இறக்கி விடவும்.
                                                                                    
  8. அடுப்பில் கடாயை வைத்து எண்ணெய் ஊற்றி சூடானதும் கடுகு, உளுந்தம் பருப்பு போட்டு தாளிக்கவும்.
  9. கடுகு வெடித்தவுடன் கறிவேப்பிலை, வெங்காயம் சேர்த்து வதக்கி கூட்டில் ஊற்றவும். சுவையான வாழைக்காய், கத்தரிக்காய் கூட்டு ரெடி.

Thursday, January 15, 2015

தக்காளி கிச்சடி / Tomoto Kichadi

பரிமாறும் அளவு - 2 நபருக்கு

தேவையான பொருள்கள் -
  1. தக்காளி - 4
  2. சின்ன வெங்காயம் - 50 கிராம் 
  3. பச்சை மிளகாய் - 2
  4. காயத்தூள் - 1/4 தேக்கரண்டி 
  5. உப்பு - தேவையான  அளவு                                                            
தாளிக்க -
  1. நல்லெண்ணெய் - 4 மேஜைக்கரண்டி 
  2. கடுகு - 1/2 தேக்கரண்டி 
  3. உளுந்தம்பருப்பு - 1/2 தேக்கரண்டி 
  4. சின்ன வெங்காயம் - 1/4 பங்கு 
  5. கறிவேப்பிலை - சிறிது 
  செய்முறை -
  1. முதலில் வெங்காயம், தக்காளி இரண்டையும் பொடிதாக நறுக்கி வைக்கவும். பச்சை மிளகாயை இரண்டாக கீறி வைக்கவும்.
                                                                          
  2. அடுப்பில் கடாயை வைத்து ஒரு மேஜைக்கரண்டி நல்லெண்ணைய் ஊற்றி சூடானதும் வெங்காயம், மிளகாய் இரண்டையும் போட்டு வதக்கவும்.
  3. வெங்காயம் பொன்னிறமானதும் தக்காளி, காயத்தூள் சேர்த்து பச்சை வாடை போகும் வரை நன்கு வதக்கவும்.                                                                            
  4. பச்சை வாடை போனதும் அதனுடன் 50 மில்லி தண்ணீர் சேர்த்து மூடி போட்டு 5 நிமிடம் வேக விடவும்.                                                                 
  5.  வெந்ததும் அதை சிறிது நேரம் ஆறவிடவும். ஆறிய பிறகு தக்காளி  கலவையுடன்  உப்பு சேர்த்து  மிக்ஸ்சியில் அரைக்கவும்.                                             
  6. அடுப்பில் கடாயை வைத்து மீதமுள்ள 3 மேஜைக்கரண்டி நல்லெண்ணைய் ஊற்றி சூடானதும் கடுகு, உளுந்தம்பருப்பு போட்டு தாளிக்கவும்.
  7. கடுகு வெடித்தவுடன் கறிவேப்பிலை, வெங்காயம் சேர்த்து வதக்கி கிச்சடியில் ஊற்றி நன்றாக கலக்கி விடவும். சுவையான தக்காளி கிச்சடி ரெடி. இட்லி தோசையுடன் சேர்த்து சாப்பிட நன்றாக இருக்கும்.
Related Posts Plugin for WordPress, Blogger...